Ríkharður er menntaður tannsmiður og starfar hjá RFJ tönnum ásamt því að stunda hestamennsku í hestamannafélaginu Spretti. Hann hefur yfir 20 ára reynslu í keppni og hefur sigrað áhugamannadeildina tvisvar sinnum ásamt því að verða Íslandsmeistari í fjórgang árið 2006 svo eitthvað sé nefnt.

Guðmunda er í hestamannafélaginu Sleipni, hún er sjálfstætt starfandi og útskrifaður reiðkennari frá Háskólanum á Hólum. Guðmunda er þrautreynd í keppni en hún hefur meðal annars unnið unglingaflokk á Landsmóti ásamt því að vera Íslandsmeistari og Norðurlandameistari. Einnig var hún þriðja í einstaklingskeppninni í KS deildinni árið 2023.

Hákon er í hestamannafélaginu Fáki en starfar nú á Ingólfshvoli í Ölfusi. Hann hefur margra ára keppnisreynslu og hefur meðal annars orðið Íslandsmeistari ásamt því að keppa fyrir Íslands hönd á heimsmeistaramótinu árið 2019.